“Heç kim Putini dayandırmasa, o, Moldovaya və daha sonra da Rumıniyaya gedə bilər”.

“Cebheinfo.az” “La Tribune” –a istinadən yazır ki, bunu Fransa Prezidenti Emmanuel Makron deyib.

Fransa Prezidenti əmin olduğunu bildirib ki, Birləşmiş Ştatlar və Ukrayna prezidentləri arasında mübahisədən sonra dialoqu bərpa etməkdən başqa çarə yoxdur.

“Birləşmiş Ştatların son üç ildə gördüyü işlər onun diplomatik və hərbi ənənələrinə tamamilə uyğundur. Mən amerikalılara başa salmaq istəyirəm ki, Ukraynadan qopmaq onların maraqlarına uyğun deyil”, - media Fransa Prezidentinin sözlərindən sitat gətirir.

Eyni zamanda, onun fikrincə, Prezident Vladimir Putinin başçılıq etdiyi Rusiya Avropa üçün həmişəkindən daha çox ekzistensial təhlükədir:.

“Ona görə də düşmənlə bağlı səhvə yol verməyin. "Təhlükəsizliyimiz təhlükə altındadır", - Makron əlavə edib.