Vaşinqton və Kiyev Ukraynanın nadir torpaq metallarının hasilatı ilə bağlı sazişin müzakirəsində irəliləyiş əldə ediblər.

“Report” "İnterfaks"a istinadən xəbər verir ki, bu barədə ABŞ Prezidentinin milli təhlükəsizlik üzrə müşaviri Mayk Uolts “Fox News” telekanalına müsahibəsində bildirib.

O qeyd edib ki, Ukrayna metalları üzrə saziş müsbət istiqamətdə irəliləyir.

M.Uolts bildirib ki, bu, Rusiya-Ukrayna münaqişəsinin nizamlanması ilə bağlı "danışıqlara doğru bir addımdır".

Trampın müşaviri həmçinin bildirib ki, əgər danışıqlar məsələsi (Ukrayna problematikası üzrə) tam həll olunarsa, Vaşinqton Ukraynaya hərbi yardımı bərpa edə bilər.