Aİ-yə giriş-çıxış üçün yeni sistem işə salınacaq

Bu gün, 10:51           
Aİ-yə giriş-çıxış üçün yeni sistem işə salınacaq
Avropa İttifaqı (Aİ) ölkələri qısa müddətə səyahət edənlər üçün avtomatlaşdırılmış reyestr olan giriş/çıxış sistemi (EES) haqqında razılığa gəldilər.

"Euronews" telekanalı xəbər verir ki, Brüsseldə daxili işlər nazirlərinin əldə etdiyi razılaşma sistemin payızda işə başlaması üçün yol açır.

Üzv dövlətlərin indi iki variantı olacaq: yeni sistemi dərhal və ya altıaylıq keçid dövrü ərzində onu bir neçə mərhələdə işə salmaq, bunun sonunda sərhədi keçərkən bütün qeydiyyatlar EES çərçivəsində həyata keçirilməlidir.

Qeyd edək ki, EES-in başlıca məqsədi Aİ-nin xarici sərhədlərində yoxlamaların modernləşdirilməsi və pasportdakı ənənəvi ştampı əvəz etməkdir.

EES Aİ-yə turizm, istirahət və ya iş məqsədləri üçün gələn və 180 günlük müddət ərzində cəmi 90 günə qədər qalan Aİ üzvü olmayan ölkələrin vətəndaşlarına şamil ediləcək.

Sistem işə düşdükdən sonra ziyarətçilərdən gələrkən pasportlarını təqdim etmələri və üzlərinin fotoşəkli və barmaq izlərinin elektron şəkildə skan edilməsi tələb olunacaq.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.