Ukrayna prezidenti Vladimir Zelenski Avropa Şurasının iclasında çıxışı zamanı ölkəsinin ədalətli sülhə hazır olduğunu və bunun bərqərar olması üçün lazım olan addımları sadalayıb.
Bu barədə Sky News bildirib.
“Ukrayna müharibənin ilk saniyəsindən sülhə can atır və biz həmişə deyirik ki, müharibənin davam etməsinin yeganə səbəbi Rusiyadır. Ukrayna nəinki sülh üçün lazımi addımları atmağa hazırdır, həm də bu addımların nədən ibarət olmasını təklif edirik”, - Zelenski bildirib.
Onların arasında o, enerji və digər infrastruktura hücumların dayandırılmasını, dənizdə atəşkəsin və məhbusların azad edilməsini qeyd edib. Ukrayna prezidenti bu yolla Rusiyanın hiylə və təxribata əl atmayacağına əmin olmaq istəyir.
O, ayrıca vurğulayıb ki, Ukrayna və Avropanın təhlükəsizliyi ilə bağlı istənilən məsələ yalnız onların iştirakı ilə həll edilməlidir.