ABŞ Kanadada keçiriləcək G7 xarici işlər nazirlərinin görüşündə Qərbin Rusiya neftinin gizli daşınmasını həyata keçirən “kölgə donanması”nı izləyəcək strukturun yaradılması təklifinə qarşı çıxıb.

Musavat.com Bloomberg-ə istinadən xəbər verir ki, belə bir qrupun yaradılması qərarı G7 nazirlərinin əvvəlki görüşündə qəbul edilmişdi.

Agentliyin məlumatına görə, Vaşinqton həmçinin G7 çərçivəsində “Rusiya Federasiyasına qarşı sanksiyalardan yayınma hallarını müəyyən edən struktur” yaratmaq ideyasından tamamilə imtina edib.
Bundan əlavə, Birləşmiş Ştatlar, Bloomberg-ə görə, G7 xarici işlər nazirləri adından kommünikedə Rusiya ilə bağlı bölmədə “sanksiyalar” sözünün qeyd edilməsinə qarşı çıxıb.

Eyni zamanda, nəşr qeyd edir ki, Vaşinqton Çinin bəzi hərəkətləri ilə bağlı bəyannamədə daha sərt dildən istifadə olunmasında israr edir.

Xarırladaq ki, G7 xarici işlər nazirlərinin görüşü gələn həftə Kanadada baş tutacaq.