ABŞ Prezidenti Donald Tramp özünün tətbiq etdiyi rüsumlar səbəbindən 500 milyon dollar itirib.

Tribunainfo.az xəbər verir ki, xəbər verir ki, onun sərvətinin azalması barədə “Forbes” məlumat yayıb.

Qeyd olunub ki, dünya bazarlarının çökməsi fonunda Trampın sərvəti bir həftə ərzində 4,7 milyard dollardan 4,2 milyard dollara qədər azalıb.

“Trampın ən böyük itkisi onun ən qiymətli aktivi olan “Trump Media and Technology Group” ilə bağlıdır. Şirkətin səhmləri son üç ticarət günündə 8 % dəyər itirərək oktyabrdan bəri ən aşağı qiymətə çatıb. Onun çərşənbə günü 2,2 milyard dollar təşkil edən payı indi 2 milyard dollardır”, – məlumatda bildirilib.

Nəşrin məlumatına görə, bu Trampın sonuncu problemi deyil. Kommersiya daşınmaz əmlakı 90 milyon dollar ucuzlaşıb, qolf klubları 70 milyon dollar itirib. “Vail Resorts” və “Topgolf Callaway Brands” şirkətlərinin səhmləri 15 %, “Trump National Doral” kurortu da daxil olmaqla mehmanxana aktivləri isə 16 % dəyər itirib.