KİV-in məlumatına görə, Almaniya kansleri Merz ABŞ prezidenti Tramp ilə telefon danışığı aparıb və bu danışıqda Ukraynaya silah tədarükünün dəstəklənməsi məsələsini gündəmə gətirib. “Der Spiegel” yazır ki, danışığın əsas mövzusu Ukraynadakı vəziyyət və ölkənin hava hücumundan müdafiəsinin gücləndirilməsinin vacibliyi olub.
Məlumata görə, ABŞ prezidenti konkret heç bir öhdəlik götürməyib. Son vaxtlar ABŞ hökuməti artıq razılaşdırılmış silah tədarükünü dayandıracağını elan etmişdi.
Ukrayna tərəfinin verdiyi məlumata əsasən, bu gün günortadan sonra prezident Zelenski də Tramp ilə telefon danışığı aparıb – Rusiyanın kütləvi hücumlarından sonra. ABŞ prezidenti dünən yenidən Rusiya prezidenti Putinlə danışıb və sonradan etiraf edib ki, heç bir irəliləyiş yoxdur.
Sarvan Səmədoğlu
TEREF