ABŞ prezidenti Donald Tramp bu gün Rusiya və Ukraynadakı müharibə ilə bağlı “vacib bəyanat” verəcəyini bildirib.
AzVision.az xəbər verir ki, Amerikanın “Sky News”, bununla belə, ABŞ prezidentinin bəyanatının təfərrüatlarını açıqlamadığına diqqət çəkib.

“Bu, Trampın şousudur. O, sükan arxasındadır və hamının onun qəfil kursunu dəyişdiyini düşünməsini istəyəndə əl əyləcini çəkir”,
Jurnalistlər bildirirlər ki, son həftələr Tramp ilk növbədə Kremlin Ukraynada atəşkəsi dəstəkləməkdən imtina etməsi səbəbindən Vladimir Putinin mövqeyindən getdikcə daha çox məyus olur.

“Axios” portalının məlumatına görə, Tramp Ukraynaya silah tədarükü ilə bağlı yeni sazişi elan etməyi planlaşdırır. NATO-nun baş katibi Mark Rütte və Almaniyanın Müdafiə naziri Boris Pistoriusun Vaşinqtona səfəri fonunda bu bəyanat Kiyevə hərbi dəstəyə aid ola bilər.

Bundan başqa, ABŞ-də Rusiyaya qarşı yeni sanksiyalarla bağlı qanun layihəsi də geniş vüsət alır.