“Rusiya-Azərbaycan əlaqələrinin inkişafında təhlükəsizlik məsələləri böyük rol oynayır”.

APA-nın məlumatına görə, bunu Azərbaycan prezidenti İlham Əliyevlə görüşdə Rusiya Təhlükəsizlik Şurasının katibi Nikolay Patruşev deyib.

O qeyd edib ki, təhlükəsizlik təmin olunarsa, iqtisadi, mədəni və bütün digər sahələrdə əməkdaşlığın inkişafında hər hansı problem ola bilməz. Bu gün beynəlxalq aləmdə vəziyyətin kifayət qədər gərgin olduğunu qeyd edən qonaq səfəri zamanı Azərbaycan tərəfi ilə beynəlxalq və regional təhlükəsizlik məsələlərinin müzakirə olunacağını vurğulayıb.