Milli Məclisin deputat Rüfət Quliyev Azərbaycanda filtrsiz siqaretin istehsalının qadağan olunmasını təklif edib.
“Report”un xəbərinə görə, R.Quliyev bu təkliflə parlamentin bu gün keçirilən plenar iclasında yeni hazırlanmış “Tütün məmulatlarının istifadəsinin məhdudlaşdırılması haqqında” qanun layihəsinin müzakirəsi zamanı çıxış edib.
O bildirib ki, belə siqaretlərin ziyanı çoxdur: “Belə siqaretlər filtrli siqaretlərdən 3-4 dəfə ziyandır”.
Deputat tütünlə mübarizə ilə bağlı siqaretin qiymətinin artırılmasını da təklif edib.
teref.az olaraq qeyd etmək istəyirik ki, Rüfət Quliyev Azərbaycanda siqaretin əksər hissəsini istehsal edən "European Tobacco-Baku" ASC-nin Müşahidə Şurasının sədridir.