Başda “Vikiliks” saytının qurucusu Culian Assanc olmaqla, dövlət sirlərini yayan şəxslərin tutulması bizim üçün prioritet məsələdir.

Axar.az xəbər verir ki, bunu ABŞ Ədliyyə naziri Cef Sessons jurnalistlərə açıqlamasında deyib.

“Bütün sızıntı nöqtələrinə qarşı səylərimizi gücləndiririk və gücləndirəcəyik. Etibarlı ekspertlər dövlət sirlərinin yayılması həcmi qarşısında şoka düşüblər. Bundan sonra belə hallarda insanları həbsə atmağı düşünəcəyik”, - nazir bildirib.

Xatırladaq ki, Assanc 2010-cu ildə ABŞ-ın dövlət idarələrinə aid 250 mindən çox sənədi ictimaiyyətə açıqlayaraq bütün dünyanın diqqətini öz üzərinə çəkmişdi.