"Azadlıq” qəzeti, Turan TV, Azadlıq Radiosu və Meydan TV-nin veb-səhifələrinsən sonra 24saat.org saytına giriş də məhdudlaşdırılıb.

Saytın baş redaktoru Vüqar Qurdqanlı hesab edir ki, bu, bloklanan media orqanlarında gedən materialların 24saat.org-da yayımlanması ilə bağlı ola bilər.

Baş redaktorun Facebook səhifəsində yaydığı açıqlamanı təqdim edirik:

"24saat.org saytı bu gün hələlik bizə məlum olmayan səbəblərdən ancaq Azərbaycan ərazisində, demək olar ki, açılmır. Xatırladaq ki, Azərbaycan ərazisində azadliq.info, azadliq.org və meydan.tv saytlarının bloklanmasının ardından həmin saytların bütün yazılı və görsəl materialarını heç bir istisna olmadan yayılmaqla etiraz aksiyası başlatmışdıq. Bu müddətdə azadlıq.org saytının 428, meydan.tv saytının 295, azadliq.info saytının isə 1777 yazısı 24saat.org saytınında təkrar yayımlanıb. Saytımıza girişə maneənin məhz bu səbəbdən yaradıldığını düşünür və saytımzın qeyri-qanuni olaraq bloklandığından şübhələnirik”.