ABŞ prezidenti Donald Trampın Qüdsü İsrail paytaxtı kimi tanıması haqqında qalmaqallı qərarı BMT Təhlükəsizlik Şurasının ötən gün keçirilən fövqəladə toplantısında müzakirə olunub.

Toplantıda Təhlükəsiz Şurasının bütün üzv-dövlətlərinin nümayəndələri Trampın qərarını sərt tənqid ediblər, – İnterfaks məlumat verir.

Böyük Britaniya, İtaliya, İsveç və hazırda Təhlükəsizlik Şurasının üzvü olmayan Almaniyanın nümayəndələri Trampın bu qərarının yolverilməz olduğu haqqında birgə bəyanat veriblər. Bəyanatda qeyd edilir ki, Trampın qərarı beynəlxalq hüquqa zidd olmaqla yanaşı, regionda sülhün bərqəqar olmasına maneədir.

Misirin BMT-dəki nümayəndəsi isə Trampın qərarın “təhlükəli presedent” adlandırıb.