“Şimali Koreya nüvə silahından tam imtina etməlidir”
Yaponiyanın müdafiə naziri İçunori Onodera bildirib ki, KXDR-ın nüvə sınaqlarını və qitələrarası ballistik raketlərin buraxılmasını dayandırması haqqında bəyanatı “qənaətbəxş deyil”. Yaponiyalı nazir Pxenyana təzyiqlərin azaldılmamasını zəruri hesab etdiyini bildirib.

Real TV “RİA Novosti” agentliyinə istinadən xəbər verir ki, bu barədə Yaponiyanın NHK telekanalı məlumat yayıb.

“KXDR-ın bəyanatı qənaətbəxş deyil. Xüsusilə, Yaponiya üçün bəyanatda nə orta və kiçik mənzilli ballistik raketlərdən, nə də nüvə silahlanmasından imtina qeyd edilib. Bu kifayət deyil”, - deyə İçunori Onodera bildirib.

Yaponiyanın naziri bildirib ki, gərək Şimali Koreya nüvə silahından tam imtina ilə bağlı təminat versin.