Latviyada keçirilən parlament seçkilərinin ilkin nəticələri açıqlanıb.
CNN xəbər verir ki, səslərin sayıldığı ilk mərhələdə Rusiya meylli “Uzlaşma” Partiyasının 19,4 faiz toplayaraq lider olduğu məlum olub. Onları Avropa Birliyinə meyli ilə tanınan “For Latvias” partiyası 13,4 faiz səslə izləyir.
Qeyd edək ki, daha əvvəlki seçkilərdə də Rusiya meyillilər üstün olmuşdu. Həmin vaxt “Uzlaşma” partiyası 23,3 faiz səs toplasa da digər siyasi təşkilatlar birləşərək onların hökumət kabineti formalaşdırmasına imkan verməmişdi. Lakin bu dəfə "Uzlaşma"nın seçkilərdə 11,5 faiz səs toplayan KPS partiyasının dəstəyini qazancağı proqnozlaşdırılır.