İran parlamenti bir neçə aylıq mübahisələrdən sonra ölkənin “Terrorizmin Maliyyə Baxımdan Təmin Edilməsinə Qarşı Mübarizə Konvensiyası”na (CFT) qoşulmasına razılıq verib.

Axar.az xəbər verir ki, parlamentin qızğın keçən iclasında bir neçə müvafiq və müxalif deputatın məsələ ilə bağlı çıxışından sonra İranın CFT-yə qoşulmasını nəzərdə tutan layihə səsə qoyulub.

270 deputatın qatıldığı səsvermədə 143 nəfər layihənin lehinə, 120 nəfər əleyhinə səs verib, 5 nəfər isə bitərəf qalıb. Bununla da layihə səs çoxluğu ilə qəbul edilib.