Şabran şəhərinin Cəlil Məmmədquluzadə, M.P.Vaqif, Fətəlixan və daha 20-yə yaxın küçəsində yol problemi yaşanır.

SalamNews-un bölgə müxbiri xəbər verir ki, yerli sakinlərin sözlərinə görə, yağış yağan kimi palçıq əlindən küçədə gəzmək olmur. Uzun illərdir təmir olunmayan küçələrdə maşın sürmək sürücülər üçün daha çox çətinlik yaradır.



Şabran şəhər icra nümayəndəliyinin mühəndisi Zahir Məmmədov bildirib ki, bu ildə 30 yaxın küçədə əsaslı təmir işləri aparılıb və tezliklə sözügedən ərazilərində də yol problemi həll olunacaq.