Dekabrın 21-də manatın ikinci devalvasiyasından sonra ərzaq məhsullarının qiymətlərində artım müşahidə olunur.

Aznews.az xəbər verir ki, qiyməti artan məhsullardan biri də undur. Əməkdaşımızın paytaxt mağazalarında apardığı müşahidələrə əsasən un 14 qəpik bahalaşıb. Belə ki, marketlərdə əvvəl 36-38 qəpik arasında olan Karmen markalı un artıq 50 qəpiyə satılır.

Unun qiymətinin bahalaşması isə çörəyə də təsirsiz ötüşməyib. Satıcıların sözlərinə görə, çörəyin qiymətində artım müşahidə olunmasa da, çəkisində kəskin azalma müşahidə olunur.