Bakı şəhəri "Zabitlər Bağı"nda yerləşən çoxmərtəbəli binanın sakinləri qanunsuzluqla üzləşib. Binada yaşayan bir qrup sakinin sözlərinə görə onlardan evlərinə təbii qazın verilməsi üçün hər evdən 1000 azn tələb olunur.

Moderator.az - a danışan sakinlərin sözlərinə görə onlar evləri "Həsən 96" firmasından alıblar. Ev alınan zaman onlara bildirilib ki, qaz, işıq, suya görə onlardan heç bir pul tələb olunmayacaq.

Sakinlərin bildirdiyinə görə, binanın komendantı bu ildən etibarən kommunal xərcləri qanunsuz olaraq bahalaşdırıb. Qeyd edək ki, "Həsən 96" firmasının naxçlvanlı iş adamı, başı qalmaqallardan açılmayan İbrahim Nehrəmliyə aid firmalardan biri olduğu deyilir.