Ermənistanın baş naziri Nikol Paşinyan “Hraparak” qəzetini məhkəməyə verərək, 1 milyon dram (2600 dollar) ödənilməsini və məqalələrdən birinin ləğvini tələb edib.

"32gun.az" xəbər verir ki, söhbət “Paşinyan arvadını aldadırmı?” başlıqlı məqalədən gedir.

Bundan əvvəl erməni baş nazir xəbərdarlıq etmişdi ki, məhkəməyə müraciət edəcək və sübut edəcək ki, onun üçün “ailə və mənəvi həyat dəyərlər və prinsiplərdir, insanları çaşdırmaq vasitəsi deyil”.

Bundan əlavə, Paşinyan bütün ermənilərin katolikosu II Qaregini subaylıq andını pozmaqda ittihamlara cavab olaraq onu məhkəməyə verməyi təklif edib.

Qeyd edək ki, qəzet məqaləsi hakimiyyətlə Üçmiədzin kilsəsi arasında münasibətlərin pisləşməsi fonunda dərc edilib.