Sahibkarlardan obyektlərində işıq sayğacının quraşdırılması üçün daha çox pul TƏLƏB OLUNUR? – Rəsmi AÇIQLAMA

27-02-2024, 16:44           
Sahibkarlardan obyektlərində işıq sayğacının quraşdırılması üçün daha çox pul TƏLƏB OLUNUR? – Rəsmi AÇIQLAMA
Vətəndaşlar və sahibkarlıqla məşğul olanlar yaşadıqları mənzildə, eləcə də obyektlərdə sayğacların quraşdırılması ilə bağlı müəyyən çətinliklərlə üzləşirlər.

Elektrik enerjisindən istifadə etmək istəyən qeyri-əhali qrupuna aid istehlakçılar sayğacların quraşdırılması zamanı onlardan daha çox pul - hətta 1200 manat tələb edildiyini iddia edirlər.
Bu il yanvar ayının 1-nə olan məlumata əsasən, Naxçıvan istisna olmaqla, ölkədə elektrik enerjisindən istifadə edən qeyri-əhali qrupuna aid istehlakçıların sayı 186 min 504 nəfərdir.

“Azərişıq” Açıq Səhmdar Cəmiyyətinin (ASC) mətbuat xidmətinin rəhbəri Vaqif Aydınoğlu Bizim.Media-ya açıqlamasında bildirib ki, sayğacın quraşdırılması üçün ASAN Xidmətə müraciət olunur:

“Rüsum Nazirlər Kabinetinin müvafiq qərarı ilə müəyyənləşir. Yəni tarif abonentin istədiyi kilovata uyğun olaraq dəyişir və ASAN kommunalda icra olunur”. O, bunun üçün “Azəriqaz”ın saytında onlayn hesablayıcının olduğunu da qeyd edib:

“Əhali üçün də fərqi yoxdur, eyni qayda tətbiq olunur. Amma əhalinin çox hissəsinin istifadə etdiyi, ayrılan standart enrjinin rüsumu 160 AZN-dir. Sayğac pulsuzdur, bu da sayğacın yox, ayrılan gücün puludur”.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.