Yardımlı rayonu, Alar kənd sakini Şahverənov Mirzəli Mirzəağa oğlu tərəfindən “Hürriyyət” qəzetinin redaksiaysına şikayət məktubu daxil olub. Şikayətçi bildirir ki, Əmək və Əhalinin Sosial Müdafiəsi Nazirliyi sosial yardımla bağlı müraciətinə əsassız olaraq imtina cavabı verib:

“Mən, Şahverənov Mirzəli Mirzəağa oğlu, yazaraq bildirirəm ki, Əmək və Əhalinin Sosial Müdafiəsi Nazirliyi bir ildir bizim sosial yardımla bağlı müraciətimizə imtina cavabı verir.

7 mart 2024-cü ildə də müraciət etdim, iyunun 3-də gəlib yoxlayıb getdilər. Yenə imtina cavabı verildi. İmtinanın səbəbini öyrənəndə inanın məəttəl qaldım. Öz şəxsi nömrəmdə kontur olmadığı üçün, 142 xidmətinə atamın nömrəsi ilə zəng vurduğum üçün mənə imtina veriblər.

Ailədə 5 nəfərik, yoldaşım məktəbdə işləyir, dolanmaq çətindir.

Hansı qanunda var ki, 142 "qaynar xətt"inə başqa nömrə ilə zəng vuranda ünvanlı sosial yardıma imtina verməlidirlər?! Sadəcə, biabırçılıqdır. Bu, kasıb təbəqənin başına açılan oyundur”.