Avropa Komissiyası (AK) kvotaları aşdığı üçün Ukraynadan Avropa İttifaqına (Aİ) balın rüsumsuz idxalını dayandırıb.

Bu barədə qurumun açıqlamasında deyilir.

Avropa Komissiyası vurğulayıb ki, 2024-cü il yanvarın 1-dən bal idxalının həcmi 6 iyun 2024-cü ildə qəbul edilmiş modifikasiya olunmuş Aİ-nin "muxtar ticarət tədbirləri"ndə (ATM) nəzərdə tutulmuş 44 417,56 ton kvotanı keçib.

AK-nin verdiyi məlumata görə, kvota keçilən kimi ticarət avtomatik olaraq dayanıb və bunun nəticəsində 21 avqust 2024-cü il tarixindən 5 iyun 2025-ci il tarixədək Ukrayna balının Aİ-yə idxalı müəyyən edilmiş müddət ərzində həyata keçiriləcək.

Ukraynadan Aİ-yə kənd təsərrüfatı məhsullarının rüsumsuz idxalı rejimi 2022-ci ilin yazında tətbiq edilib, 2023-cü ildə uzadılıb və sonra yenidən böyük səs-küylə Avropa Komissiyası tərəfindən 5 iyun 2024-cü ildə bir il müddətinə uzadılıb.