Praktikada, bu əmək münasibəti də bir çox hallarda: həm işçilər, həm işəgötürən, həm də Məhkəmə qətnaməsini icra edən İcraçı tərəfindən mübahisələrə səbəb olur, bir çox hallarda isə işçilərin əmək və s. hüquqlarının pozulması ilə nəticələnir.
Məhkəmə qətnaməsi ilə işə bərpa olunan işçinin - məcburi iş buraxma müddəti üçün əmək haqqı necə ödənilməlidir?
İşçinin Əmək müqaviləsində nəzərdə tutulan taarif(vəzifə) maaşı, yoxsa orta əmək haqqı?
Çox təəssüf ki,bir çox hallarda AR-nın Əmək Məcəlləsinin tələbləri pozulmaqla işçilərə, bu halda Əmək müqaviləsində nəzərdə tutulan tarif(vəzifə) maaşı üzrə məcburi işə buraxma üçün əmək haqqı ödənilir.
Qeyd olunan halda-işçilərin hüquqları kobud surətdə pozulur və onlar almalı olduğundan daha az məbləğdə - məcburi iş buraxmaya görə əmək haqqı almış olurlar.
İşçilərə bu hallarda: tarif (vəzifə) maaşı üzrə məcburi işə buraxma üçün əmək haqqının bu qaydada ödənilməsi, işəgötürənlərin və ya məhkəmə icraçılarının Əmək Məcəlləsinin tələblərini bilməməsi, düzgün anlamaması və ya bildikləri halda qərəzli surətdə Əmək Məcəlləsinin tələblərini pozmaqdlr.
Azərbaycan Respublikası Əmək Məcəlləsinin TƏLƏBLƏRİNƏ ƏSASƏN İSƏ BU HALLARDA, YƏNİ , MƏHKƏMƏ QƏRARI İLƏ NƏZƏRDƏ TUTULAN QAYDADA İŞÇİYƏ: MƏCBURİ İŞ BURAXMAYA GÖRƏ - ORTA ƏMƏK HAQQI ÖDƏNİLMƏLİDİR. BELƏ Kİ:
Azərbaycan Respublikası Əmək Məcəlləsinin
300-cü maddəsinə əsasən: əgər, işəgötürən əmək müqaviləsini AR-n Əmək Məcəlləsinin tələblərinə əməl etmədən, işçi ilə bağlanmış əmək müqaviləsinə xitam vermişdirsə, əmək mübahisəsini həll edən məhkəmə məcburi iş buraxma müddəti üçün işçiyə əmək haqqı ödənilməklə vəzifəsinə bərpa edilməsi barədə qətnamə çıxarır.
Azərbaycan Respublikası Əmək Məcəlləsinin
300-cü maddəsinin - Qeyd hissəsinə əsasən isə bu hallarda, işçiyə - işdən çıxarılması ilə əlaqədar işləmədiyi müddət üçün orta əmək haqqı ödənilir.
Azərbaycan Respublikasının Əmək Məcəlləsi o əsasdan bu halda işçiyə: orta əmək haqqı məbləğinin ödənilməsini nəzərdə tutur ki, işçinin Əmək müqaviləsində nəzərdə tutulan tarif (vəzifə) maaşı - orta əmək haqqına nisbətən daha az olur, qanunvericilik isə bu halda işçinin işlədiyi halda ala biləcəyi və ya işəgötürənin təqsiri üzündən itirdiyi orta aylıq əmək haqqının ödənilməsini və ya kompensasiya edilməsini nəzərdə tutur.
Yuxarıda göstərilənləri və Əmək Məcəlləsinin tələblərinə əsasən qeyd olunan halda işçiyə:
məcburi işburaxmaya görə əmək haqqı-orta əmək haqqı məbləğində ödənilməlidir.
Azer Quliyev
TEREF