"Bitcoin"in dəyəri ticarət zamanı son 24 saatda sürətlə artaraq 74 min dolları keçib.

Oxu.Az bu barədə "Binance" platformasının məlumatlarına istinadən xəbər verir.

Bazar iştirakçılarının gözləntilərinə görə, "bitcoin"in qiymətinə təsir edə biləcək ən vacib amillərdən biri ABŞ-də prezident seçkisinin nəticəsidir. Bütün səslərin 100%-nin hesablanması bir neçə həftə tələb etsə də, seçkinin qalibi, adətən, daha tez məlum olur.

Qeyd edək ki, noyabrın əvvəlindən ilk kriptovalyutanın qiyməti 68-70 min dollar aralığında dəyişir. Noyabrın 1-də aktiv bir ara 71 min dollara qədər bahalaşmışdı, amma sonra yenə 68 min dollara qayıtmışdı..