Naxçıvan təhsilində dərəbəylik...
Dünən, 12:58
Naxçıvan Təhsil Nazirliyinin yüksək vəzifəli əməkdaşlarının bir qrup psixoloqu formal şəkildə işə götürərək onların maaşını mənimsədiyi iddia olunur. Bu barədə “Gündəlik Naxçıvan”a həmin psixoloqların özləri məlumat veriblər.
Şikayətçilərin sözlərinə görə, onlar yanvar ayında məktəblərdə boş qalan vakant yerlər üçün keçirilən müsabiqədən uğurla keçiblər. İmtahandan əvvəl onlara dərhal işlə təmin olunacaqları bildirilsə də, artıq üç aya yaxın vaxt keçməsinə baxmayaraq, nə zəng edən var, nə də rəsmi təyinat.
Psixoloqlardan biri, B.B. bildirir ki, onlarla eyni vaxtda imtahan verən kitabxanaçılar dərhal işlə təmin olunublar. Amma 11 nəfər psixoloqa gələn dərs ilinə qədər gözləmək “məsləhət” görülüb:
“Əgər yerlər boşdursa, biz niyə gözləməliyik? Yox əgər boş deyilsə, onda niyə vakant yer adıyla imtahan keçirildi? Bizdə olan məlumata görə, əmrimiz rəsmi olaraq artıq verilib. Sadəcə bizi gələn dərs ilinə qədər yola vermək istəyirlər ki, o vaxta qədər 4-5 ayın maaşını özləri götürsünlər. Əgər boş yer yox idisə, müsabiqə niyə təşkil olunurdu? Bizimlə eyni gündə imtahan verən kitabxana müdiri və kitabxanaçıların əmrləri çıxıb, amma psixoloqların əmri yoxdur.”
Digər bir şikayətçi, N.N. də nazirliyi açıq şəkildə saxtakarlıqda ittiham edir:
“Əslində, imtahanlar ildə iki dəfə – yay və qış aylarında keçirilir. Qış müsabiqəsi oktyabrda başlayıb dekabrda bitməli idi. Yay müsabiqəsi isə apreldə başlamalıdır. Amma ötən il qış imtahanını yubada-yubada yanvarın 31-nə qədər uzatdılar. İndi isə artıq növbəti müsabiqənin vaxtı çatır, biz isə hələ də işə götürülməmişik. İmtahanı da keçmişik, sənədlər də təqdim olunub. Ya əmrimizi verib maaşımızı özləri alırlar, ya da bizdən rüşvət gözləyirlər.”
Psixoloqlar əlavə edirlər ki, məsələ ilə bağlı Azərbaycan Təhsil Nazirliyinə də müraciət ediblər, amma oradan da nəticə əldə olunmayıb:
“Azərbaycan Təhsil Nazirliyinə şikayət etdik, amma onlar bizim müraciətimizi yenidən Naxçıvandakı eyni quruma göndəriblər. Buradan isə yalnız ‘darıxmayın, işiniz həll olunacaq’ cavabını verirlər. Axı bizim ailəmiz, uşağımız var. Onların ehtiyaclarını qarşılamaq lazımdır. Aylardır imtahan vermişik, indi isə əmri gözləyirik. Heç bir gəlir yoxdur. Borclar yığılır. Nə edəcəyimizi bilmirik.”
Naxçıvan Təhsil Nazirliyinin yüksək vəzifəli əməkdaşlarının bir qrup psixoloqu formal şəkildə işə götürərək onların maaşını mənimsədiyi iddia olunur. Bu barədə “Gündəlik Naxçıvan”a həmin psixoloqların özləri məlumat veriblər.
Şikayətçilərin sözlərinə görə, onlar yanvar ayında məktəblərdə boş qalan vakant yerlər üçün keçirilən müsabiqədən uğurla keçiblər. İmtahandan əvvəl onlara dərhal işlə təmin olunacaqları bildirilsə də, artıq üç aya yaxın vaxt keçməsinə baxmayaraq, nə zəng edən var, nə də rəsmi təyinat.
Psixoloqlardan biri, B.B. bildirir ki, onlarla eyni vaxtda imtahan verən kitabxanaçılar dərhal işlə təmin olunublar. Amma 11 nəfər psixoloqa gələn dərs ilinə qədər gözləmək “məsləhət” görülüb:
“Əgər yerlər boşdursa, biz niyə gözləməliyik? Yox əgər boş deyilsə, onda niyə vakant yer adıyla imtahan keçirildi? Bizdə olan məlumata görə, əmrimiz rəsmi olaraq artıq verilib. Sadəcə bizi gələn dərs ilinə qədər yola vermək istəyirlər ki, o vaxta qədər 4-5 ayın maaşını özləri götürsünlər. Əgər boş yer yox idisə, müsabiqə niyə təşkil olunurdu? Bizimlə eyni gündə imtahan verən kitabxana müdiri və kitabxanaçıların əmrləri çıxıb, amma psixoloqların əmri yoxdur.”
Digər bir şikayətçi, N.N. də nazirliyi açıq şəkildə saxtakarlıqda ittiham edir:
“Əslində, imtahanlar ildə iki dəfə – yay və qış aylarında keçirilir. Qış müsabiqəsi oktyabrda başlayıb dekabrda bitməli idi. Yay müsabiqəsi isə apreldə başlamalıdır. Amma ötən il qış imtahanını yubada-yubada yanvarın 31-nə qədər uzatdılar. İndi isə artıq növbəti müsabiqənin vaxtı çatır, biz isə hələ də işə götürülməmişik. İmtahanı da keçmişik, sənədlər də təqdim olunub. Ya əmrimizi verib maaşımızı özləri alırlar, ya da bizdən rüşvət gözləyirlər.”
Psixoloqlar əlavə edirlər ki, məsələ ilə bağlı Azərbaycan Təhsil Nazirliyinə də müraciət ediblər, amma oradan da nəticə əldə olunmayıb:
“Azərbaycan Təhsil Nazirliyinə şikayət etdik, amma onlar bizim müraciətimizi yenidən Naxçıvandakı eyni quruma göndəriblər. Buradan isə yalnız ‘darıxmayın, işiniz həll olunacaq’ cavabını verirlər. Axı bizim ailəmiz, uşağımız var. Onların ehtiyaclarını qarşılamaq lazımdır. Aylardır imtahan vermişik, indi isə əmri gözləyirik. Heç bir gəlir yoxdur. Borclar yığılır. Nə edəcəyimizi bilmirik.”
