Azərbaycan Yerüstü Nəqliyyat Agentliyində bəziləri elə bilir ki, yerin üstündə nə varsa, onlara məxsusdur… Bu da sübut: Bakıda Hüseyn Cavid prospekti ilə Məmməd Rahim küçəsinin kəsişməsindən “Azərbaycan” nəşriyyatına gedən yolun üstündə həm Milli Ensiklopediyanın, Memarlıq və İnşaat Universitetinin, həm də BDU- nun əsas girişi yerləşir. Üstəlik, M. Rahim küçəsindən Mətbuat prospektinə çıxış olduğundan bu küçədə avtomobillərin sıxlığı qaçılmazdır. Amma və lakin… AYNA məmurlarından kimsə fikirləşib ki, M. Rahim küçəsində iki universitet və bir restoran və s. yerləşdiyindən, bu ərazidə əməllicə qaz vurub qazan doldurmaq olar. Məsələn, tələbələrdən daxil olan şikayətdən sonra az əvvəl ərazidə müşahidə apardıq. Təsəvvür edirsinuzmi, nə qədər naşı mütəxəssis olmalısan ki, onsuz da avtomobil sıxlığı ilə diqqəti çəkən cəmi 3 zolaqlı bu yolu daha da daraldaraq bir zolağı olmayan velosipedçilərə, birini də AYNA- nın parklama siyasətinə qurban verəsən. Bu da təqdim edilən fotoşəkillər.

Təsəvvür edin, müşahidəmiz tələbələrin olmadığı bu dəqiqələrə – saat 18:00- a təsadüf etdiyi bir vaxtda belə yol daraldığından avtomobil tıxacının bir ucu Mətbuat prospektində, digər ucu isə H. Cavid prospektində idi.

Başqa nə deyək. Sonra da deyirlər ki, Bakıda tıxacların səbəbi və səbəbkarı tapılmır ki tapılmır.

/Tezadlar.az