Rusiyanın Yekaterinburq şəhərindən olan Yeva Karpikau cəmi dörd yaşında "Forbes"un siyahısına düşüb.

Oxu.Az bu barədə Lenta.ru-ya istinadla xəbər verir.

Bildirilir ki, o, Rusiyada 30 yaşadək ən perspektivli şəxslər siyahısına düşüb.

Qeyd edək ki, balaca Yevanın bloqu son bir ildə məşhurlaşıb. Onun "Instagram" hesabını valideynləri idarə edir. Orada həm gündəlik həyatı əks etdirən videolar, həm də sevgi, münasibətlər və həyat haqqında Yevanın düşündürücü fikirləri paylaşılır.

Hazırda Yevanın hesabına 1 milyondan çox izləyici abunədir. İzləyicilər onun aydın və axıcı danışığına, həmçinin bloqun fərqli və maraqlı konsepsiyasına heyran olduqlarını bildirirlər.