Əhalisini artırmağa çalışan Almaniyanın Ayzenhüttenştadt şəhəri yeni sakinlərə iki həftəlik pulsuz sınaq müddəti təklif edir.

Bu barədə "New York Post" məlumat yayıb.

Berlindən təxminən 95 km aralıda yerləşən şəhər bələdiyyəsi iyulun əvvəlinə qədər pulsuz mənzil proqramı üçün müraciətləri qəbul edir.

Layihə hazırda təxminən 24.000 əhalisi olan Ayzenhüttenştadt şəhərinə köçməkdə maraqlı olan ixtisaslı işçilər və ya sərbəst işləyən insanlar üçün nəzərdə tutulub.

Seçilmiş iştirakçılar sentyabrın 6-dan 20-dək mebelli mənzillərdə pulsuz yaşayacaqlar.