"Bu problem Yerüstü Nəqliyyat Agentliyinin tələbləri və taksi xidmətində fəaliyyət göstərən şəxslərin lisenziya və sertifikat alma prosesi ilə bağlıdır. Bütün sürücülər bu mərhələləri keçə bilmie. Lisenziya almış bəzi sürücülər bu hüquqlardan istifadə edərək şirkətlərlə əməkdaşlıq edir. Bəzən isə həmin lisenziya adı altında başqa şəxslər öz şəxsi avtomobilləri ilə xidmət göstərirlər".

Bu sözləri Demokrat.az-a açıqlamasın nəqliyyat eksperti İlqar Hüseynli deyib.

O bildirib ki, bu səbəbdən, istifadəçi sifariş zamanı sistemdə bir şəxsin adı və nəqliyyat vasitəsi görünsə də, xidmətə başqa sürücü gələ bilər:

"Əsas məsələ odur ki, xidmət keyfiyyətlidirsə, avtomobil saz və komfortludursa, bu cür detallar o qədər də əhəmiyyət daşımır. Bu, daha çox hüquqi və texniki məsələdir. Əsas məqsəd odur ki, bütün sürücülərə bərabər imkanlar yaradılmalı və xidmət keyfiyyətli şəkildə göstərilməlidir".