Avstraliyanın Esperans şəhərində oğru qeyri-ənənəvi şəkildə ələ keçib.

AzNews.az xarici mətbuata istinadən xəbər verir ki, sözügedən şəxs oğurluq etmək üçün girdiyi evdə bahalı şərabla rastlaşıb və onun dadına baxmaq qərarına gəlib. Şərab oğruya o qədər ləzzət edib ki, onu axıra qədər içib. Bir qədər sonra isə oğrunu yuxu aparıb.

Ev sahibi bildirir ki, o, evə girdikdə oğrunun yataqda yatdığını görüb. Ev sahibi dərhal polisə məlumat verib. Oğru gözünü açanda isə artıq polis məntəqəsində olduğunu görüb.