Dünən Azərbaycana yağan şiddətli yağışdan sonra Abşeron rayonunun Masazır qəsəbəsindəki obyektlərdən birinin həyətindəki maşınlar suyun altında qalıb.
teref.az “Qafqazinfo”ya istinadən xəbər verir ki, Masazırda “Aysu” Qida Sənayesi şirkətinin qarşısından başlayaraq, təxminən 300 metr ərazinin əksər hissəsi suyun altında qalıb. Bir metrdən artıq dərinliyi olan gölməçə nəticəsində 100-ə yaxın avtomobil də gölməçədə “qərq olub”.
Həmin maşınlar uzun müddətdir orada saxlanılır. Belə ki, bu avtomobillər “Bank Standard” vasitəsilə kreditə götürülən, lakin ödənişi tamamlanmayan maşınlardır. Buna görə də bank tərəfindən geri alınaraq burada dayanacağa qoyulub.
“Bank Standard”ın əməkdaşlarından hadisə yerinə gələn, suyun altında qalan avtomobillərin taleyi ilə maraqlanan olmayıb.