Bu gün səhər saatlarında yuxudan oyanan Xaçmaz sakinlərini çörəyin qiyməti yaxşı mənada təəccübləndirib.

GoldNews.az xəbər verir ki, şəhərdə yerləşən çörək zavodlarından biri çörəyin qiymətində 50% endirim edib. Belə ki, zavodun bişirdiyi çörəklər əvvəllər 40 qəpiyə satıldığı halda, bu gündən etibarən şəhərin bütün mağazalarında 0.20 AZN-ə alıcılara təklif edilir.

Bu barədə redaksiyamıza sakinlər məlumat veriblər. Bildiriblər ki, onlar bu qərara çox sevinirlər:"Rayonda unun qiyməti aşağı salınmayıb. Zavodun niyə belə addım atdığı bizə məlum deyil. Əsas odur ki, gözəl təşəbbüsdür".

Redaksiyamın əldə etdiyi məlumata görə, bu addımı atan zavodun əsas məqsədi bazarda rəqabət mühitinə tab gətirmək və öz yerini möhkəmləndirməkdir.