Çinin “Huawei” şirkəti “Honor” smartfonlarının istehsal xəttini yeniləyib. 4 kamera ilə təchiz edilmiş və “Android 8.0 Oreo” mobil əməliyyat sistemi ilə idarə olunan “Honor 9 Lite” modeli təqdim edilib.

Yeni smartfon tamamilə metal korpusa salınıb və 2,36 QHs-dək takt tezlikli səkkiznüvəli “Kirin 659” prosessoru, 4 QB-lıq əməli yaddaş və 32 QB-lıq daxili yaddaşla təchiz edilib. Sonuncunu “microSD” çıxarılıb taxılan daşıyıcılarının hesabına artırmaq mümkündür.

Smartfon 5,65 düymlük diaqonal, 2160×1080 piksel təsvir ölçülü və 18:9 tərəflər nisbətinə malik ekranla təchiz edilib. Akkumulyator batareyasının tutumu 3000 milliamper/saat təşkil edir.

Smartfonda 4 kamera nəzərdə tutulub. Ön ikiqat blok 13 və 2 milyon pikseldən ibarət sensora malikdir. Eyni sensorlar ikiqat arxa modulun tərkibinə daxildir və işıq diodu işıqlandırıcısına malikdir.

Aparat SİM kartlar üçün 2 ədəd slot və aşağıdakı simsiz rabitə modullarına malikdir: “4G LTE”, “3G HSPA+”, “Wi-Fi 802.11 b/g/n”, “Bluetooth 4.2” və “GPS”. Barmaq izlərinin skaneri qurulub. 7,6 mm-lik smartfonun qalınlığı 149 qr-dır.

“Honor 9 Lite” smartfonunun korpusu bir neçə rəngdə əlçatandır və qiyməti 180 dollardan başlayır.


\\ICTnews