Qəzaya düşənlərin yaxınları maşını aşırmağa çalışıblar, sürücünün əli kəsilib
Samuxda ağır yol nəqliyyat hadisəsi zamanı ölənlərin adları məlum olub. Avtosfer.az "Report"a istinadən xəbər verir ki, bunlar Samux rayon sakini, 32 yaşlı Tural Ənnağı oğlu Məmmədov, onun həmyerlisi və həmyaşıdı Ruslan Xaliq oğlu Nəsibovdur. Gəncə şəhər Təcili Tibbi Yardım Xəstəxanasının reanimasiya şöbəsinə yerləşdirilən ağır yaralanan Zaur Zirəddin oğlu Məmmədovdur. Diqər yaralı, "QAZel" markal sərnişin mikroavtobusun sürücüsü Samux rayon Sərkər kənd sakini, 38 yaşlı Müslüm İsmayıl oğlu İsmayılov yaxınları tərəfindən Gəncədəki özəl xəstəxanaların birinə aparılıb. Hadisə şahidlərinin bildirdiyinə görə, qəza nəticəsində başqa yaralananlarda olub.

***00:14

Samux rayonunda baş vermiş ağır avtomobil qəzası yerinə çağrılan təcili tibbi yardım əməkdaşlarına hüçum edilib. Samux rayon Sərkar kənd ərazisində baş vermiş ağır avtomobil qəzası yerinə çağrılan təcili tibbi yardım əməkdaşları hadisə nəticəsində ölən və yaralananların yaxınları tərəfindən təzyiqə məruz qalıblar. Təxminən 10-a yaxın insan Səhiyyə Nazirliyinə məxsus 90-JM-955 dövlət nömrə nişanlı "Mercedes" markalı təcili tibbi yardım maşınının arxa qapı şüşələrini sındırılıb, daha sonra avtomobili aşırmağa cəhd ediblər. Hadisə yerinə gedən tibb işçiləri, həkim, Aygün Qəhramanova, tibb bacısı, İnarə Binnətova və sürücü Tahir Süleymanov xəstə yaxınlarının təzyiqinə məruz qalıblar. Sürücünün əlinin kəsildiyi bildirilir. Qadın tibb işçiləri isə yaxınlıqdan keçən vətəndaşlar tərəfindən ərazidən uzaqlaşdırılıblar. Hadisə yerinə polis əməkdaşları cəlb olunub.

Qeyd edə ki, axşam saatlarında "VAZ-21010" markalı avtomobil "QAZel" markalı sərnişin mikroavtobusla toqquşması nəticəsində 2 nəfər xəstəxanaya aparılan zaman ölüb, daha iki nəfər isə Gəncə şəhər Təcili Tibbi Yardım Xəstəxanasının reanimasiya şöbəsinə yerləşdirilib. Hazırda polis əməkdaşları tərəfindən hadisə zamanı ölən və yaralananların adları və qəzanın səbəbləri araşdırılır.