"İxtisas qruplarında keçid balları müxtəlifdir. Ona görə də ixtisas seçimində hər kəs balını bilib buna uyğun seçim etməlidir. Təəssüf ki, ixtisas seçimi zamanı abituriyent və onun valideyni kiməsə müraciət edir".

"Report" xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə keçirdiyi mətbuat konfransında deyib.

O bildirib ki, bəzi valideynlər öz uşaqlarının taleyini başqasının əlinə buraxır: "Bunun da nəticəsində abituriyent istəmədiyi ixtisasa və şəhərə qəbul olur. Ona görə də ərizəni təsdiq edən abituriyentin özü olmalıdır. Birinci və ya axırıncı ərizənin təsdiq edilməsi heç bir əhəmiyyət kəsb etmir. Çünki seçim abituriyentin topladığı bala əsasən aparılır. Məsləhət görərdim ki, üç dəfə ərizə dəyişməkdənsə dəqiq seçim edilsin".

M.Abbaszadə qeyd edib ki, ixtisas seçimininin rahat olması üçün DİM-in xidmətləri fəaliyyət göstərir: "Valideynlər də bu xidmətlərdən yararlana bilərlər".