“Səhhətim belə babatdı da vallah nə bilim”

Bunu Moderator.az-a açıqlamasında qocaman muğam ustadı, Xalq artisti Əlibaba Məmmədov xəstəliyi haqda danışarkən deyib.

“Diqqətiniz üçün minnətdaram. Səhhətim belə babatdı da nə bilim. Yaşlı adamam elə həmişə olduğu kimi evdə nəvə-nəticələrlə başımızı qatırıq. Ayaqlarım tutmur. Şükür bu günümüzə”.

“Bəs dostlarınız sizə baş çəkirmi?”-sualını isə muğam ustadı cavablandırmaq istəməyib:

“Bu haqda danışmaq istəmirəm. Baş çəkən də, çəkməyən də sağ olsun”.

Qeyd edək ki, səhhətindəki problemlərə baxmayaraq Əlibaba Məmmədov bu il Yeddinci Televiziya Muğam Müsabiqəsində müniflər heyətinin üzvü olub.