ABŞ-da özündən 48 yaş böyük Patrik Qredi adlı şəxslə evlənən türkiyəli aktrisa Məltəm Miraloğlu şəxsi həyatı ilə bağlı etiraflar edib.

Bu barədə aktrisa “The Clinton Herald” qəzetinə müsahibəsi zamanı danışıb.

“Kordovaya gəldim və Patriklə tanış oldum. Məni “qızı” kimi gördüyü üçün evinə dəvət etdi. Patrik yaxşı ər deyil, amma yaxşı atadır. Evləndikdən sonra da ata-qız münasibətimiz dəyişmədi”, - Miraloğlu bildirib.

Xatırladaq ki, aktrisa Məltəm Miraloğlu “Həyat davam edir” adlı serialda “uşaq gəlin” obrazı ilə məşhurlaşıb.