"Sənətlə ailəni bir arad inkişaf etdirməyə imkan olmur. Üç övladı saxlamaq, ailəyə baxmaq çətindir, çatdırmaq mümkün deyil. Amma sənəti birdəfəlik ata bilmərəm”.
teref.az-nun Axşam.az-a istinadən məlumatına görə, bu sözləri müğənni Aygün Mahmudova "10-dan sonra” verilişində deyib.
Sənətçi efirə çıxmadığı günlərdə sənət üçün darıxdığını etiraf edib:
"Elə gün olub ki, gecə saat 3-də körpəni yatızdırıb, başqa otağa girmişəm, başlamışam oxumağa. Kənan (həyat yoldaşı, rejissor Kənan M.M. – red.) deyib ki, "sən nə edirsən? Gecədi, camaat yatıb, səsin aləmi götürüb". Deyirəm, ürəyim partlayır, oxumasam olmaz. Oxumaq gələndə nə olursa-olsun oxumalısan, qarşısını almaq mümkün deyil. Kənan heç vaxt mənim qarşımı kəsmir, əksinə həmişə dəstək olur”.