Böyük Britaniyanın Kralı III Çarlz "Amazon" şirkətinin hazırladığı yeni sənədli filmdə baş rolu oynayacaq.

Oxu.Az bu barədə "The Times" nəşrinə istinadla xəbər verir.

Bildirilir ki, layihə monarxın 2010-cu ildə nəşr olunmuş "Harmoniya: dünyamıza baxmağın yeni üsulu" kitabında təqdim edilən fəlsəfi baxışlarına həsr olunacaq.

"Sənədli filmin məqsədi kralın nəyi müdafiə etdiyini və onun kim olduğunu dünyaya çatdırmaqdır".

Qeyd olunur ki, sənədli filmdə kralın görüntüləri "minimal" olacaq. Film onun şəxsiyyətindən daha çox, iş və ideyalarına fokuslanacaq.

Çəkilişlər yanvar ayında Kralın Şotlandiyadakı Kamnok, Ayrşirdəki Damfris Evi malikanələrində başlayıb. Sənədli filmin gələn il yayımlanacağı gözlənilir.