"Green Day" rok qrupu Hollivudun Şöhrət xiyabanında ulduz alacaq.

Bu barədə "Billboard" saytı xəbər verir.

Mənbənin məlumatına görə, ulduzun təntənəli açılışı cümə axşamı, mayın 1-də baş tutacaq.

Dəvət olunmuş ulduzlar arasında aktyor Rayan Reynolds və tennisçi Serena Uilyams olacaqlar, tədbiri radio və televiziya aparıcısı Mett Pinfild aparacaq.

Kollektivin ulduzu "Hollywood Boulevard"da yerləşir.

"Hollivud Ticarət Palatası "Green Day"dən Billi Co Armstronq, Mayk Dirnt və Tre Kulu Şöhrət xiyabanında salamlamaqdan şərəf duyur", - deyə xiyabanın prodüseri Ana Martines bildirib.

Xatırladaq ki, "Green Day" qrupu 10-dan çox albom buraxıb, onlardan üçü "Billboard"da lider olub.