Fransalı reper Buba sosial şəbəkələrdə "Real Madrid"in futbolçusu Kilian Mbappeni təhdid edib. O, futbolçunu xəstəliyi ilə bağlı məlumatları açıqlamaqla hədələyib.

Oxu.Az xəbər verir ki, bu barədə Gazeta.ru məlumat yayıb.

Məlumata görə, reperi hiddətləndirən Mbappenin PSJ-ni psixoloji təzyiqdə ittiham edərək məhkəməyə verməsi olub.

"Əgər Nasser əl-Xelaifini rahat buraxmasan, mən ona Palm-Biçdə nə etdiyini, kiminlə olduğunu və xəstəliyə necə yoluxduğunu deyəcəyəm. Get futbolunu oyna, qol vur və köynək sat", - reper yazıb.

Qeyd edək ki, iyunun 19-da Mbappe kəskin qastroenterit diaqnozu ilə ABŞ-də xəstəxanaya yerləşdirilib, lakin elə həmin gün komandanın düşərgəsinə qayıdıb. 26 yaşlı futbolçu bir neçə gün ərzində yalnız meyvə və maye qidalar qəbul edib.