Dünən axşam saatlarında yerli mediada Elgiz Əkbərin aparıcılıq etdiyi “Səhər-səhər” verilişdən qovulması barədə xəbərlər yayılıb.

Buna səbəb kimi onunla verilişə dəvət etdiyi qonaq arasında yaranan mübahisə göstərilir.

Məlumatda qeyd olunur ki, Elgiz qonağın ünvanına xoşagəlməz ifadələr işlədib. Verilişdən sonra iclasın keçirildiyi və ARB kanalının rəhbərliyinin qərarı ilə aparıcının vəzifədən uzaqlaşdırıldığı bildirilir.

Deyilənlərlə əlaqədar Bizimyol.info əməkdaşı Elgiz Əkbərlə əlaqə saxlayıb. O, bu barədə xəbərsiz olduğunu bildirib:

“Siz rəhbərlikdən soruşun qərarları haqda. Mənim xəbərim yoxdur”.