Gəlin toydan qaçıb

Sinqapurdakı toylardan birində bəyin nümayiş etdirdiyi video bütün qonaqları sözün əsl mənasında şoka salıb. İstiPress-in məlumatına görə, adı açıqlanmayan və yüksək təbəqədən olan ailə övladı üçün toy etmək qərarına gəlib.

Ailələr arasında razılıq olunub, bəy və gəlin toya hazırlaşıb. Toya kimi hər şey normal olub. Lakin toy günü baş verənlər ailəni təməli qoyulmamış dağıdıb.

Bütün qonaqlar salonda olarkən bəy nişanlısının onu necə aldatdığını əks etdirən bir video yayımlayıb. Videoda toya hazırlaşan qızın öz nikahından bir neçə gün öncə başqa bir oğlanla səmimi şəkildə görüşdüyü, onların qucaqlaşaraq otellərdən birinə daxil olduğu görünür. Bunu görən gəlin qaçaraq salondan çıxıb.

Sən demə, sevgilisinin onu aldada biləcəyindən ehtiyat edən zəngin oğlan bir ay öncədən detektiv tutaraq onu izlədib.