Görkəmli yazıçı Fərman Kərimzadənin Vikipediyadakı bioqrafiyasının rus dili versiyasında milliyyəti kürd kimi qeyd olunub.

Bu barədə Kult.az-a danışan Fərman Kərimzadənin qızı, yazıçı, ssenarist Yeganə Kərimzadə atasının Azərbaycan türkü olduğunu bildirib:

“Atam kürd deyil, təmiz azərbaycanlıdır, milliyyəti türkdür. Ümumiyyətlə, bizim nəsildə kürd yoxdur. Düzdür, atam kürdlərlə qonşu olub, amma bunun bizimkilərə heç bir aidiyyəti yoxdur. Bunları kimlərsə özündən uydurur”.

Qeyd edək ki, F.Kərimzadə “Çaldıran döyüşü”, “Xudafərin körpüsü”, “Qarlı aşırım” kimi əsərlərin müəllifidir.