DİQQƏT! Azərbaycanda analoq yayım söndürüləcək

30-08-2015, 20:20           
DİQQƏT! Azərbaycanda analoq yayım söndürüləcək
Azərbaycanda telekanalların rəqəmsal yayıma keçid məsələsi bu ilin sonuna kimi həllini tapmalıdır. ANS PRESS-in məlumatına görə, bunu Trend-ə açıqlamasında Milli Televiziya və Radio Şurasının aparat rəhbəri Toğrul Məmmədov deyib.

Onun sözlərinə görə, yayımın həyata keçirilməsi üçün vacib olan texniki məsələlər həll olunub.

T.Məmmədov qeyd edib ki, bir sıra məsələlərin həllindən sonra sözügedən yayım tam reallaşdırılacaq: “Rabitə və Yüksək Texnologiyaları Nazirliyi üzərinə düşən məsələləri həll edib. Texniki cəhətədən bütün işlər yekunlaşdırılıb və respublikanın bütün əraziləri rəqəmsallaşdırılıb. Bakıda da kabelləşdirilmə prosesi yekunlaşıb və bu şəbəkədən geniş istifadə olunur. Bakı şəhərində rəqəmsal yayıma keçiddə hər hansı bir problem olmayacaq. Hazırda bir məsələ qalır, o da əhalinin bu prosesə uyğunlaşdırılmasıdır. Milli Televiziya və Radio Şurasında bu ilin sonuna kimi rəqəmsal yayma keçidlə bağlı məsələyə baxılacaq. Ondan sonra analoq yayım söndürüləcək. Bu fəaliyyət insanların keyfiyyətli yayımla təmin olunmasına hesablanmış addımlardır”.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru