Bu günlərdə son zamanlar yaranmış ənənələrdən fərqli olaraq tamaşaçılara yumorstik yox, bədii hərbi triller filmi təqdimolundu. Filmin ssenari müəllifi və baş prodüseri Nurəddin Aslanovdur. Həmçinin filmdə əməkdar artistlər İlqar Cahangirov, Elşən Rüstəmov, Namis Şirməmmədov, Rövşən Kərimduxt, İlqar Musayev aktyorlar Eldar Bağırbəyov, Vüqar Vəlixanov və digərləri çəkiliblər. Filmin quruluşçu rejissoru Elnur Əliyev, redaktoru Kamran Qasımovdur. Filmin beynəlxalq film festivallarına da təqdim edilməsi nəzərdə tutulub.
Filmdə hadisələr 1989-cu ilə təsadüf edilir.Belə ki, Sovet İttifaqının ucqar həbsxanalarından birində cəza çəkən Yavər (İlqar Cahangir) doğma torpağına Qarabağa – Füzuli rayonunun Yuxarı Veysəlli kəndinə qayıdır. Amma burada hər şey dəyişib, erməni silahlılarının dinc azərbaycanlılara divan tutması sovet sülhməramlılarının bölgəyə yeridilməsi ilə nəticələnib. Üstəlik Yavərin illərboyu sevdiyi və evlənməyə hazırlaşdığı Qarateldən də (Ülviyyə Rza) xəbər yoxdur. Yuxarı Veysəllinin və ətraf kəndlərin müdafiəsini öz üzərinə götürən Yavər ətrafına döyüşçülər toplayır. Amma Sovet sülhməramlılarına rəhbərlik edən Aleksandr Roxlinlə (Eldar Bağırbəyov) üz-üzə gələndə heyrətlənir və seçim qarşısında qalır...Xatırladaq ki, film artıq kinoteatrlarda nümayiş etdirilir.