Əməkdar artist Cavanşir Məmmədov Xəzər Televiziyasında yayımlanan “Hər şey daxil” verilişində şəxsi həyatı ilə bağlı gizlinləri açıb.
Yenicag.az xəbər verir ki, müğənni hər bir insanın həyatıboyu 2-3 dəfə aşiq olduğunu bildirib:
“Sevgi sağalmaz xəstəlikdir. Alimlər, təbiblər, akademiklər onun müalicəsini tapa bilməyib. Hər insan həyatıboyu 2-3 dəfə dərindən sevir. Əgər bu sevgi evliliklə nəticələnirsə, sonradan uşaqlara bölünür və kişi qadın arasında dostluğa çevrilir”.
Tolikin “Heç toydan evə kostyumunuzda “pomada” ləkəsilə gəlmisinizmi? Xanımınızın reaksiyası necə olub?” sualına müğənninin cavabı belə olub:
“Görüb. Elə indi də görür. O qədər gəlmişəm ki… “Pomada”nı evə gətirə bilərsən. Əsas odur ki, kişi xəstəliyini evə gətirməyəsən. Biri səni öpər, dost kimi. Kişilər gəzəyən olur. Yaxşı kişi gəzər də… Bunu nəzərdə tuturam. “Pomada” nədir ki…”