Prodüser Tarix Əliyevin (Tolik) aparıcısı olduğu “Hər şey daxil” verilişində gözlənilməz hal yaşanıb.

Axşam.az məlumat verir ki, verilişin qonaqlarından biri də mərhum müğənni Vidadi Bərdəlinin ikinci həyat yoldaşı Nahidə Heydərova olub. Efir zamanı ifaçının ilk evliliyindən dünyaya gələn qızı Necla xanım zəng edib.

N.Heydərova Neclanın zəng etdiyini bilən kimi sərt reaksiya verib və mikrofonun açıq olduğunu unudaraq “Necla, ifritəyə oxşayan” sözlərini deyib.

Qeyd edək ki, V.Bərdəlinin müğənni qızı Aytac Vidadiqızı ilə N.Heydərova arasında qalmaqal yaşanıb. N.Heydərova hazırda həbsxanada olan oğlu Tuncayı bacılarının qəbul etmədiyini söyləyib.