Jerar Depardye təcavüz etməkdə ittiham olunur.

Publika.az xarici mətbuata istinadən xəbər verir ki, Fransa polisi adı açıqlanmayan 22 yaşlı aktrisanın şikayətindən sonra 69 yaşlı aktyor barəsində təhqiqata başlayıb. Qız dünya şöhrətli ulduzu ona qarşı seksual xarakterli zorakılıq hərəkətlər etməkdə ittiham edib.

İddiaya əsasən, hadisə artistin Parisdəki evində, təxminən avqustun əvvəllərində baş verib. Şəhər prokuroru Eks-an-Provans bu işin istintaqını Fransa paytaxtının prokurorluğuna verib.

Depardyenin vəkili Erve Temime bildirib ki, aktyor elan edilmiş ittihamı tamamilə rədd edir.

“Mən Jerar Depardyenin nüfuzuna ciddi ziyan vuracaq prosesin ictimai xarakter almasına təəssüf edirəm, əminəm ki, onun günahsızlığı sübuta yetiriləcək”, - deyə hüquqşünas bildirib.